මහ මැතිවරණයට අදාළ තැපැල් ඡන්ද සලකුණු කිරීම අදින් අවසන්

මහ මැතිවරණයට අදාළ තැපැල් ඡන්ද සලකුණු කිරීම අදින් අවසන් වනවා.

පසුගිය ඔක්තෝබර් 30 වනදා නොවැම්බර් පළමුවනදා , 4 වනදා සහ 7 යන දිනයන්හි දී ඡන්දය ප්‍රකාශ කිරීමට නොහැකි වූ තැපැල් ඡන්ද දායකයින්ට අද දිනයේ ද අදාළ  දිස්ත්‍රික් මැතිවරණ කාර්යාලවලදී ඡන්දය භාවිත කළ හැකි වනවා.

ඡන්දය භාවිත කිරීමට සිය අනන්‍යතාව තහවුරු කළ යුතු වනවා.

ජාතික හැදුනුම්පත , වලංගු රියදුරු බලපත්‍රය , විදේශ ගමන් බලපත්‍රය භාවිත කළ හැකියි.

මැතිවරණ කොමිසම නිකුත් කළ තාවකාලික හැදුනුම්පත සහ පුද්ගලයින් ලියාපදිංචි කිරිමේ දෙපාර්තමේන්තුව නිකුත් කළ තහවුරු කිරිමේ ලිපිය ද ඒ සඳහා ඉදිරිපත් කළ හැකියි.