මෙම වසරේ මුල් මාස දහයේ චීනයේ විදේශ වෙළඳාමේ ආනයන හා අපනයනවල සමස්ත වටිනාකම පසුගිය වසරේ අදාළ කාලසීමාවට සාපේක්ෂව 5.2%කින් වර්ධනය වී ඇත. චීන රාජ්‍ය මණ්ඩලයේ ප්‍රවෘත්ති කාර්යාලයේ අද(22) පැවති නිත්‍ය මාධ්‍ය හමුවේදී මේ බව සඳහන් විය. එහිදී චීන වාණිජ අමාත්‍යාංශය, විදේශ අමාත්‍යාංශය, කර්මාන්ත හා තොරතුරු තාක්ෂණ අමාත්‍යාංශය, චීන මහ බැංකුව සහ රේගු මහා පරිපාලනය යන ආයතනවල අදාළ නිලධාරීන් විදේශ වෙළඳාමේ ස්ථාවර වර්ධනය තවදුරටත් ප්‍රවර්ධනය කිරීම සඳහා අදාළ ප්‍රතිපත්ති සහ ක්‍රියාමාර්ග හඳුන්වා දී තිබේ.
චීන වාණිජ අමාත්‍යාංශයේ ජාත්‍යන්තර වෙළඳ සාකච්ඡා පිළිබඳ නියෝජිත සහ උප ඇමති Wang Shouwen මහතා එහිදී පැවසුවේ, 2024 වසරේ සිට, චීනයේ විදේශ වෙළඳාමේ සංවර්ධනය මනා ගම්‍යතාවයක් පවත්වා ගෙන ගොස් ඇති බවයි.
මෙම වසරේ ජනවාරි සිට ඔක්තෝබර් දක්වා චීනයේ සමස්ත විදේශ වෙළඳ ආනයන හා අපනයන වටිනාකම යුවාන් ට්‍රිලියන 36කි. එය පසුගිය වසරේ අදාළ කාලසීමාවට සාපේක්ෂව 5.2%ක වර්ධනයක් පෙන්නුම් කරන අතර ජාත්‍යන්තර වෙළඳපොලේ චීනයේ විදේශ වෙළඳ කොටස මූලික වශයෙන් ස්ථාවරව පවතින බව ද Wang Shouwen මහතා එහිදී සඳහන් කර ඇත.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
ඇමරිකාව කිසිදු අයුරකින් හොංකොං හි කටයුතුවලට මැදිහත් නොවිය යුතු බවට චීනයෙන් ප්‍රකාශයක්