පදික වේදිකා මත වාහන නවතා තැබීම සම්බන්ධයෙන් ඉදිරියේදී නීතිය දැඩිව ක්‍රියාත්මක කරන බව පොලිස් රථ වාහන මූලස්ථානය පවසනවා.
එහි අධ්‍යක්ෂ ජ්‍යෙෂ්ඨ පොලිස් අධිකාරි ඉන්දික හපුගොඩ මහතා මේ බව සඳහන් කළේ ශ්‍රී ලංකා පොලීසියේ 154 වන සංවත්සරය වෙනුවෙන් මහරගම අපේක්ෂා රෝහලේ රෝගීන් වෙනුවෙන් පැවති දානමය කටයුත්තකින් අනතුරුව මාධ්‍ය වෙත අදහස් දක්වමින්.
එහිදී ඔහු කියා සිටියේ, දොඹකර හෝ යම් ආධාරක යොදා ගනිමින් පදික වේදිකාවල නවතා ඇති වාහන ඉවත් කිරීමට සිදුවන අවස්ථාවලදී ඒ සඳහා වැය වන මුදල වාහනයේ හිමිකරු විසින් දැරිය යුතු බවයි.
කෙසේ වෙතත් වාහනයට යම් අලාභහානියක් සිදුවුවහොත් එය ද හිමිකරු විසින් දැරිය යුතු බව ඒ මහතා වැඩිදුරටත් සඳහන් කළා.
More Stories
චීන තානාපතිවරයා හා ශ්‍රී ලංකා ජනාධිපතිවරයා අතර හමුවක්
විශ්වවිද්‍යාල අනධ්‍යයන සේවක වර්ජනය අවසන්
ජපුර විශ්වවිද්‍යාලයෙන් රුසියානු භාෂා ඩිප්ලෝමා පාඨමාලාවක්