අද සිට සියලු රජයේ පාසල් සාමාන්‍ය පරිදි විවෘත කෙරේ

අද (08) සිට සියලු රජයේ පාසල්වල 1 ශ්‍රේණියේ සිට 13 ශ්‍රේණිය දක්වා සිසුන්ට සාමාන්‍ය පරිදි පාසල් විවෘත කෙරිණ. ඒ නිසි සෞඛ්‍ය ආරක්ෂිත ක්‍රම භාවිතා කරමින්.

පෙරවරු 7.30 සිට පස්වරු 1.30 දක්වා සාමාන්‍ය වේලාව අනුව පාසල් පැවැත්වෙන බව අධ්‍යාපන අමාත්‍යාංශය පැවසීය.

කොරෝනා වසංගත තත්ත්වයත් සමග ලබා දුන් අතුරු නිවාඩුව අවසන් කරමින් පසුගිය අගෝස්තු 10 වැනි දා සිට සියලු රජයේ පාසල්වල අධ්‍යයන කටයුතු අදියර කිහිපයක් යටතේ යළි ආරම්භ කෙරිණි.

ඒ අනුව, 6 ශ්‍රේණියේ සිට 13 ශ්‍රේණිය දක්වා සිසුන්ට පසුගිය 2 වැනි දා සමාන්‍ය පරිදි පාසල් විවෘත කෙරිණි.