මෙරට ගව ඝාතනය තහනම් කලහොත් ගැටළු රාශියක් උද්ගත වන වල බව ප්‍රවාහන හා සත්ව නිෂ්පාදන ගොවි සංගමයේ සභාපති කුලරාජ් පෙරේරා මහතා සඳහන් කරයි.
මෙරට ගවපට්ටි වලින් වැඩිපුර සිටින්නේ පිරිමි සතුන් නිසා ඔවුන් ඝාතනය නොකරන්නේ නම් එම සතුන් සම්බන්ධයෙන් වැඩපිලිවෙලක් තිබිය යුතු බව ඔහු පවසයි.
එනිසා මෙම සතුන් මානුෂීය ලෙස ඝාතනය කළ හැකි ඝාතකාගාරයක් ඉදි කළ යුතු බවත් ඔහු සඳහන් කළේය.
සත්ව හිංසාවෙන් තොරව ගවයන් ඝාතනය කළ හැකි නිසි ක්‍රමවේද සහිත ඝාතකාගාර ඉදි කළ යුතු බවද ඔහු පෙන්වා දෙයි.
එසේ නොකළහොත් කිරි ගොවීන්ට මරු පහරක් වනු ඇති බවත් මෙම පිරිමි සතුන් රටට මහා බරක් කුණු ඇති බවත් ඔහු කියා සිටියේ කොළඹදී පැවති මාධ්‍ය හමුවක් අමතමිනි.
එම මාධ්‍ය හමුව අමතමින් එහි පාලක ලේකම්වරයා කියා සිටියේ වස විස නැතිව ආහාරයට ගත හැකි එකම මස් හරක් මස් බවත් එය තහනම් කිරීමෙන් මිනිසුන් සිය මූලික අයිතිවාසිකමක් නැති වන බවත්ය.
ජනතාවට ගව මස් කෑමට අයිතියක් තිබෙන බවත් මෙම තීරණය නවත්වන්නැයි රජයෙන් ඉල්ලා සිටින බවත් ඔහු කියා සිටියේය.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ