වලංගු වීසා කාළය ඉක්මවා ඇමෙරිකා එක්සත් ජනපදයේ රැදී සිටි ශ්‍රී ලාංකිකයන් 18 දෙනෙකු , එරටින් පිටුවහල් කර 9/18 දින රාත්‍රී කටුනායක ගුවන් තොටුපළ වෙත එවා තිබුණි.
මෙම පිරිස ඇමෙරිකාවේ වීසා රෙගුලාසි උල්ලංඝනය කරමින් රැදී සිටියදී , එරට ආරක්ෂක අංශ මගින් අත් අඩංගුවට ගෙන තිබුණි.
ඔවුන් ඇමෙරිකාවේ වොෂින්ටන් නුවර සිට කෙන්යාවේ නයිරෝබි නුවර හරහා , කෙන්යානු ගුවන් සේවයේ කේ.කිව්.- 228 දරන ගුවන් යානයෙන් 9/18 දින රාත්‍රී 11.30 ට කටුනායක ගුවන් තොටුපළ වෙත එවා තිබුණි.
කටුනායක ගුවන් තොටුපළ වෙත පැමිණි මෙම පිරිස පී.සී.ආර්.පරීක්ෂණ වලට ලක් කිරීමෙන් අනතුරුව , ඔවුන් මේ වනවිට නීරෝධායන කටයුතු සදහා යොමු කර තිබේ.
ඒ ආකාරයට මෙම පිරිස නීරෝධායන වීමෙන් දින 21 කට පසුව , අපරාධ පරීක්ෂණ දෙපාර්තමේන්තු සිට රාජ්‍ය බුද්ධි අංශයේ නිලධාරීන් විසින් මොවුන්ගෙන් ප්‍රකාශ ලබා ගැනීමට නියමිතය.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ