අගරදගුරු මැල්කම් රංජිත් හිමිපාණන් විසින් පාර්ලිමේන්තුව නියෝජනය කරන සියලුම කතෝලික මැති ඇමැතිවරුන් කැඳවීමට පියවර ගෙන ඇත.
මෙම හමුව ලබන අගහරුවාදා (06) සවස 2ට කොළඹ අගරදගුරු නිල නිවෙසේ පැවැත්වීමට කටයුතු යොදා තිබේ.
මෙහිදී පාස්කු ප්‍රහාරයේ පරීක්ෂණ සම්බන්ධයෙන් දැනට මතුව ඇති තත්ත්වය පිළිබදව කාදිනල් හිමිපාණන් විසින් කතෝලික මැතිඇමැතිවරුන් දැනුවත් කිරීමට නියමිත බව වාර්තා වේ.
පසුගිය සතියේ රහස් පොලිසිය විසින් සාක්ෂි නොමැති බව පවසමින් රිෂාඩ් බදුර්දීන් මහතාගේ සොයුරු රියාජ් බදුර්දීන් මහතා මාස 5කට පසුව නිදහස් කිරීම සම්බන්ධයෙන් කාදිනල් හිමිපාණන් මාධ්‍ය හමුවේ දැඩිව අදහස් පළ කිරීමට පියවර ගෙන තිබිණ.
එහිදී උන්සවහන්සේ කියා සිටියේ සිදුවන ඇතැම් සිදුවීම් දෙස බලන විට ආණ්ඩුව කිසියම් දේශපාලන ඩීල් එකක සිටින බවට සැකයක් මතු වන බවකි.
More Stories
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම