මෙවර ව්‍යප්ත වී තිබෙන වයිරසයේ ප්‍රභේදය ඉතා සීග්‍රයෙන් පැතිර යන බව පැවැසේ. ගියවර වයිරසය ඇතුළු වූ අයකු කහින විට හෝ කිවිසුමක් යද්දී පිට කරන ලද කෙළ බිඳුවක වයිරස් කොටස් ලක්ෂයක් තිබුණා නම් මෙවර එය මිලියනය, බිලියනය දක්වා ඉහළ ගොස් තිබෙන බවත් සෞඛ්‍ය අමාත්‍යංශයේ ලේකම්, මේජර් ජෙනරාල් වෛද්‍ය සංජිව මුණසිංහ මහතා පවසනවා.
මාධ්‍යයට ඊයේ (01) විශේෂ ප්‍රකාශයක් කරමින් ලේකම්වරයා මේ බව සඳහන් කළා.
වැඩිදුරටත් අදහස් දැක්වූ ලේකම්වරයා:
වයිරසයට වේගයෙන් ගමන් කරන්න පුළුවන්. ඔබත් ගමන් කරන්න ගත්තොත් ඒ වේගය දෙගුණ තෙගුණ වෙයි. සමහරවිට මුළු රටටම පැතිරෙන්න ඉඩ තිබෙනවා. එම නිසා ඔබ සැමගෙන් කාරුණිකව ඉල්ලා සිටිනවා තමන්ගේ ගමන් අත්‍යවශ්‍ය රාජකාරි සඳහා පමණක් යොමු කරවා ගන්න කියලා. මෙම වයිරසය භයංකාර වයිරසයක් ලෙස අප හඳුන්වනවා.
මෙම වයිරසයේ බලපෑම දරුණු ලෙස ඇතිවීමට හැකි කොටසක් අපේ නිවාසවල ඉන්නවා. ඒ කුඩාම දරුවන් සහ වැඩිහිටියන්. ඔවුන්ගේ සිරුරේ වයිරසයකට සටන් කිරීමේ ඇති හැකියාව අඩුයි.
ඔබට යම්කසි නිදන්ගත රෝගයක් තිබෙනවා නම් දියවැඩියාව, අධික රුධිර පීඩනය, වකුගඩු ආබාධ තිබෙන අයට වෙන්න පුළුවන් අනතුරු ආබාධ වැඩියි.
ඇඳිරි නීතිය පවත්නා කාලයේ යම්කිසි රෝග ලක්ෂණයක් ඇති වුවහොත් 011-7966366 දුරකථන අංකයට දැනුම් දෙන ලෙසත්, එවිට ඔබ වෙත සෞඛ්‍ය කාර්ය මණ්ඩලයක් යොමු කිරීමට කටයුතු කරනු ලබන බවත්, රෝග ලක්ෂණ සොයා බලා පී.සී.ආර්. පරීක්ෂණයක් සිදු කිරීමට අවශ්‍ය නම් ඊට අවශ්‍ය පහසුකම් සපයන බවත් ලේකම්වරයා සඳහන් කළා.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට