ශ්‍රී ලංකා ගුවන්විදුලි සංස්ථාවේ රියැදුරන් සිව් දෙනකුට කොවිඩ් වයිරසය ආසාදනය වී තිබේ.
මේ හේතුවෙන් එම සංස්ථාවේ සේවයේ නියුතු 37 දෙනකුට සිය නිවසේ සිට ස්වයං නිිරෝධායනයට ලක්වෙන ලෙස උපදෙස් ලබා දුන් බව කුරුඳුවත්ත මහජන සෞඛ්‍ය පරීක්ෂකවරයා ‘අරුණ’ ට පැවැසීය.
මෙලෙස ආසාදනය වූ රියැදුරන් අතර ගුවන්විදුලි සංස්ථාවේ අධ්‍යක්ෂ ජනරාල්වරයාගේ රියැදුරුද සිටින බවත් වාර්තා වෙයි. ඒ හේතුවෙන් ගුවන්විදුලි සංස්ථාවේ අධ්‍යක්ෂ ජනරාල් චන්ද්‍රපාල ලියනගේද ස්වයං නිරෝධායනයට ලක්කර තිබේ.
කොවිඩ් ආසාදනය වූ රියැදුරන් සිව් දෙනා කොළඹ අයි.ඩී.එච්. රෝහලට ඇතුළත් කළ බව කුරුඳුවත්ත මහජන සෞඛ්‍ය පරීක්ෂකවරයා වැඩිදුරටත් පැවැසීය.
මේ වනවිට ශ්‍රී ලංකා ගුවන්විදුලි සංස්ථාවේ කටයුතු සාමාන්‍ය පරිදි සිදුවන බවද චන්ද්‍රපාල ලියනගේ සඳහන් කළේය.
ඉෂාර රත්නකාර/චාමර පල්ලේගෙදර
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට