අයි.පී.එල්. තරගාවලියේදී සිව් වතාවක් සිය පුහුණුකාරීත්වය යටතේ මුම්බායි ඉන්ඩියන්ස් කණ්ඩායම අවසන් තරගයට රැගෙන එමින් ඉන් තෙවතාවක් ශූරතාවය ලබා දුන් මහේල ජයවර්ධන යළිත් වතාවක් ශ්‍රී ලංකා ජාතික කණ්ඩායමේ පුහුණුකාර ධූරය භාර ගැනීම ප්‍රතික්ෂේප කර තිබේ.
ඒ ඉන්දියාවේ සිටම මාධ්‍ය වෙත ප්‍රකාශයක් ලබා දෙමිනි.
මේ වනවිට මෙවර තරගාවලියේද මුම්බායි ඉන්ඩියන්ස් කණ්ඩායම අවසන් මහතා තරගයට සුදුසුකම් ලබා ඇති අතර ලබන බදාදා එම තරගය පැවැත්වීමට නියමිතය.
එහිදී මහේල පවසා ඇත්තේ තමන්ට රාජකාරී කිරීමට නිදහස් පරිසරයක් අවශ්‍ය බවත්, මුම්බායි ඉන්ඩියන්ස් කළමනාකාරීත්වය තමන්ට එවැනි පරිසරයක් සකසා දී ඇති බවත්ය.
තමන් නිතරම ලංකාවේ ක්‍රිකට් සදහා නිශ්චිත ක්‍රමවේදයක් සකසන ලෙස බලධාරීන්ගෙන් ඉල්ලා සිටියත් තවම එවැන්නක් සකස් වී නොමැති බව හෙතෙම සදහන් කොට ඇත.
එම නිසා වෘත්තීයමය නොවන ස්ථානයකට සම්බන්ධ වීමට තමන් සූදානම් නැති බවද මහේල පෙන්වා දී තිබේ.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ