අද අළුයම පිටකොටුව මැනිං පොදු වෙළඳපොළේ උණුසුම් තත්ත්වයක් හට ගෙන තිබේ.
ඒ එළවළු තොග රැගෙන ආ ගොවීන් ඇතුළු ව්‍යාපාරිකයින් නිසාය.
අද පෙරවරු 5ට ඇඳිරි නීතිය ඉවත් කිරීමත් සමඟ මැනිං පොදු වෙළඳසැල ද යළි විවෘත කරන බව මීටපෙර දැනුම් දුන්න නිසා අද අළුයම ව්‍යාපාරිකයන් එහි පැමිණ සිටියේය.
නමුත් පොලීසිය ගොවීන්ට සහ ව්‍යාපාරිකයින්ට මැනිං පොදු වෙළදසැලට පිවිසීමට ඉඩ ලබා නොදුන් අතර එහිදී උණුසුම් තත්ත්වයක් ද හට ගත බව වාර්තා වෙයි.
පසුව ඇතැම් වෙළදුන් වෙනත් ආර්ථික මධ්‍යස්ථාන වෙත එළවළු තොග රැගෙන ගිය බවද අප වාර්තාකරු පැවසීය.
තවත් පිරිසක් ප්‍රධාන මාර්ගයේ විවිධ ස්ථානවල එළවළු අලෙවි කිරීමටද කටයුතු කර තිබේ.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ