කුමාර ගුණරත්නම් ඇතුළු පෙරටුගාමීන් 53කට ඇප

කොල්ලුපිටියේ සහ ලිප්ටන් වටරවුමේ විරෝධතාවේදී අත්අඩංගුවට ගත් පෙරටුගාමී සමාජවාදී පක්ෂයේ ක්‍රියාකාරීන් 53 දෙනෙකුට කොටුව මහෙස්ත්‍රාත් අධිකරණයෙන් ඇප ලබා දී තිබෙනවා.

අධිකරණ නියෝග හා නිරෝධායන නීතිය කඩ කරමින් විරෝධතාවක් පැවැත්වීම හේතුවෙන් එම පක්ෂයේ නායක කුමාර් ගුණරත්න සහ ඒම පක්ෂයේ ප්‍රචාරක ලේකම් දුමින්ද නාගමුව මහතා ඇතුළු පිරිසක් ඊයේ දිනයේදී පොලිස් අත්අඩංගුවට ගැනුණා.

මෙරට ඇමෙරිකා තානාපති කාර්යාලය අසල හෝ අවට ප්‍රදේශයේ අද (09) දිනයේ උද්ඝෝෂණය පැවැත්වීම වළක්වාලමින් අධිකරණය නියෝගයක් නිකුත්කර තිබුණා. එය කඩකරමින් හා නිරෝධායන නීතියට පිටුපාමීන් පෙරටුගාමී සමාජවාදී පක්ෂය ඇමෙරිකා තානාපති කාර්යාලය අසල විරෝධතාවක් පැවැත්වීමට උත්සාහ දැරුවා.