කොළඹ දිස්ත්‍රික්කයේ මෙතෙක් හුදකලා කර ඇති පොලිස් බල ප්‍රදේශ 12 එම තත්ත්වය තවදුරටත් පවතින අතර, ඊට අමතරව අලුතින් පොලිස් බලප්‍රදේශ කිහිපයක් සඳුදා අලුයම 5 සිට හුදකලා කරන බව යුද හමුදාපති ලුතිනන් ජනරාල් ශවේන්ද්‍ර සිල්වා මහතා පවසනවා.
එම පොලිස් බලප්‍රදේශ වන්නේ මරදාන, කොටුව, පිටකොටුව, කොම්පඤ්ඤවීදිය සහ වේල්ල වීදියයි.
එමෙන්ම ගම්පහ දිස්ත්‍රික්කයේ හුදකලා කරනු ලැබූ ප්‍රදේශ අතරින් තවදුරටත් එය බලපැවැත්වෙන්නේ ජා ඇල, මීගමුව, රාගම, කඩවත, වත්තල හා පෑලියගොඩ පොලිස් බලප්‍රදේශ වලටයි. ඊට අමතරව ගම්පහ දිස්ත්‍රික්කයේ කැළණිය පොලිස් බලප්‍රදේශය සඳුදා අලුයම 5 සිට හුදකලා කිරීමට තීරණය කර තිබෙනවා.
මීට අමතරව දිවයින පුරා සෙසු පොලිස් බලප්‍රදේශ වල පනවා තිබු හුදකලා තත්වයන් හෙට අලුයම 5 සිට ඉවත් කිරීමට නියමිතයි.
එමෙන්ම බස්නාහිර පළාතට මෙතෙක් බලපවත්වා ඇති සංචරණ සීමාවද හෙට මධ්‍යම රාත්‍රී 12.00 න් අවසන් වනු ඇත.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට