ශ්‍රී ලංකා ක්‍රිකට් ක්‍රීඩක ධනංජය ද සිල්වාගේ පියා වන රංජන් ද සිල්වා මහතා ඝාතන සිද්ධියේ ප්‍රධාන සැකකරු වන ධර්මසිරි පෙරේරා නැමැත්තා අබුඩාබි හිදී අත්අඩංගුවට ගෙන තිබෙනවා
පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කර සිටියේ, සැකකරු පෙරේදා (29) වන දින අත්අඩංගුවට පත්ව ඇති බවයි
ජාත්‍යන්තර පොලිසියේ රතු නිවේදනයට අනුකූලව අබුඩාබි පොලිසිය මගින් පෙරේදා දිනයේ ඔහු එලෙස අත්අඩංගුවට ගෙන තිබෙනවා
අබුඩාබි පොලිසිය විසින් ධර්මසිරි පෙරේරා නැමැත්තා අත්අඩංගුවට ගෙන ඇති බවට මෙරට පිහිටි ජාත්‍යන්තර පොලිසියේ ශාඛාවට දැනුම් දී ඇති බවයි නියෝජ්‍ය පොලිස්පති අජිත් රෝහණ මහතා සඳහන් කරන්නේ
ඔහු ශ්‍රී ලංකාවට රැගෙන ඒම සඳහා අවශ්‍ය කටයුතු මේ වනවිටත් සූදානම් කෙරෙමින් පවතින බවද පොලිස් මාධ්‍ය ප්‍රකාශකවරයා වැඩිදුරටත් සඳහන් කරනවා
ඔහු මෙරට සිදුවූ තවත් අපරාධ රැසකට සම්බන්ධ බවටද තොරතුරු ලැබී තිබෙනවා.
දෙහිවල – ගල්කිස්ස මහ නගර සභාවේ නාගරික මන්ත්‍රීවරයෙකු ලෙස කටයුතු කරමින් සිටි ක්‍රිකට් ක්‍රීඩක ධනංජය ද සිල්වාගේ පියා වන රංජන් ද සිල්වා ඝාතනයට ලක් කෙරුණේ 2018 වසරේ මැයි මාසයේදීයි
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට