2020 වසරේ සාගර වීරවරිය ලෙස ලාංකික සමුද්‍ර ජීව විද්‍යාඥවරියක වන ආශා ඩී වොස් මහත්මිය නම් කර තිබෙනවා.
ස්කූබා ඩයිවින් නම් සුප්‍රකට සගරාව විසිනුයි මෙම නම් කිරීම සිදුකර ඇත්තේ.
ශ්‍රී ලංකා මුහුදු තීරයේ සිටින නිල් තල්මසුන් ආරක්ෂා කරගැනීම වෙනුවෙන් ආශා ඩි වොස් මහත්මිය ඉටු කල සේවය පදනම් කරගෙනයි ඇය මෙම නම් කිරීමට ලක්වී ඇත්තේ.
ඒ වෙනුවෙන් ඇයට ඩොලර් 5000 ක ත්‍යාගයක් හිමිවන අතර සාගර ජීව විද්‍යාව හදාරන ලාංකික සිසුන් කිහිප දෙනෙකුට පර්යේෂණාත්මක අධ්‍යයනයක් සිදුකිරීම සඳහා එම මුදල යෙදවීමට නියමිතයි.
මීට සති කිහිපයකට පෙර පානදුර වෙරළ තීරයට තල්මසුන් පිරිසක් ගොඩ ගසා තිබූ අවස්ථාවේදී ඔවුන් යළි මුහුදට හරවා යැවීමේ කර්තව්‍යයටද සමුද්‍ර ජීව විද්‍යාඥ ආශා ද වොස් මහත්මිය කැපවී කටයුතු කරනු දක්නට ලැබුණා.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට