චීන නවීකරණය තුළින් ලොවට නව අවස්ථා ගෙන එන බව චීන විදේශ අමාත්‍ය වන්ග් යී මහතා පවසනවා. එක්සත් ජාතීන‍්ගේ මහ මණ්ඩලයේ 79 වන සැසිවාරය අමතමින් හෙතෙම මේ බව සඳහන් කළා.
එමෙන්ම න්‍යෂ්ටික අවි සහිත රටවල් 5 අතරින් පළමුව න්‍යෂ්ටික අවි භාවිත නොකරන බවට ප්‍රතිඥා දී ඇත්තේ ද චීනය පමණක් බව ද, සාමය ගොඩනැංවීමට ප්‍රමුඛස්ථානයක් ලබා දෙන බවද චීන විදේශ ඇමතිවරයා එහිදී සඳහන් කර තිබෙනවා.
ඉහළ මට්ටමේ විවෘතභාවය, වීසා රහිත ප්‍ර‍වේශය පුළුල් කිරීම, ඉහළ ගුණාත්මකභාවයෙන් එක් තීරයක් එක් මාවතක් සංවර්ධනය, 2030 තිරසර සංවර්ධන ඉලක්කය සපුරා ගැනීමට ශක්තිමත් පියවර ගැනීම,ගෝලීය දකුණු සහයෝගීත්වය වේගවත් කිරීම මෙන්ම ආසියාවේ සාමය හා සංවර්ධනය වෙනුවෙන් ක්‍රියා කිරීමේ පියවර ඊට අදාළ බව චීන විදේශ ඇමතිවරයා ප්‍රකාශ කළා. ශිෂ්ටාචාර අතර සංවාදය වෙනුවෙන් ජාත්‍යන්තර දිනයක් නම් කරන ලෙසට චීනය යෝජනා කර ඇතැයිද ඔහු වැඩිදුරටත් සඳහන් කර තිබෙනවා.
More Stories
චීනයේ ෂෙන්චෞ 19 ගගනගාමීන් සහිත අභ්‍යවකාශ ගුවන් යානය සාර්ථක ව දියත් කෙරේ
චීන හා පින්ලන්ත ජනාධිපතිවරුන් අතර හමුවක්
චීන – පින්ලන්ත ජනපති ආර්යාවන් සුහද පිළිසඳරක