Colombo Stars කණ්ඩායමට ජය

ලංකා ප්‍රිමියර් ලීග් තරගාවලියේ Colombo Stars කණ්ඩායම හා Dambulla Aura කණ්ඩායම අතර තරගයෙන් ලකුණු 09 ජයක් ලබා ගැනීමට Colombo Stars කණ්ඩායම සමත් වුණා.

ඒ අනුව තරගයේ කාසියේ වාසිය දිනා පළමුවෙන් පන්දුවට පහරදුන් Colombo Stars කණ්ඩායම සිය පන්දුවාර 20 තුළ කඩුලු 9 ක් දැවී ලකුණු 165 ක් ලබා ගත්තා.

පන්දුවට පහරදීමේදී Colombo Stars කණ්ඩායම වෙනුවෙන් නිරෝෂන් දික්වැල්ල ලකුණු 65 ක් හා දිනේෂ් චන්දිමාල් ලකුණු 29 ක් ලබා ගැනීමට සමත් වුණා.

පන්දු යැවීමේදී ළහිරු කුමාර කඩුලු 4 ක් බිඳ හෙළීමට සමත් වුණා. පිළිතුරු ඉනිම ක්‍රීඩා කළ Dambulla Aura කණ්ඩායමට පන්දුවාර 20 ක් අවසානයේ කඩුලු 7 ක් දැවී ලබාගැනීමට හැකිවුණේ ලකුණු 156ක් පමණයි.

පන්දුවට පහරදීමේදී Dambulla Aura කණ්ඩායම වෙනුවෙන් ටොම් ඇබෙල් ලකුණු 33 ක්, දසුන් ශානක ලකුණු 31ක් ලබාගත්තා. පන්දු යැවීමේ දී සුරංග ලක්මාල්, ඩොමිනික් ඩ්‍රෙක්ස් සහ කරීම් ජනාට් කඩුළු 02 බැගින් බිඳ දැම්මා.