Huawei සමාගම නිකුත් කළ නවතම මාදිලියේ ජංගම දුරකථන ඇමරිකාව පරීක්ෂණයට ලක් කිරීම පිළිබඳව චීනය සිය විරෝධය පළ කරයි.
චීන විදේශ අමාත්‍යාංශ ප්‍රකාශිකා Mao Ning මහත්මිය අද (08 ) පැවති නිත්‍ය මාධ්‍ය හමුවේදී කියාසිටියේ ඇමරිකාව ආර්ථික මෙන්ම විද්‍යා හා තාක්ෂණික කරුණු දේශපාලනීකරණය කිරීම පිළිබඳ චීනය දැඩි ලෙස විරුද්ධ වන බවයි. සාධාරණ හේතු රහිතව ඇමරිකාව සිය රාජ්‍ය පරිපාලන අයිතීන් අයුතු ලෙස යොදා ගනිමින් චීන ව්‍යවසායන් මර්දනය කිරීම, සම්පූර්ණයෙන්ම වැරදි ක්‍රියාවක් බව ඇය එහිදී පෙන්වා දුන්නාය. එවැනි හැසිරීම් නිදහස් වෙළඳ මූලධර්මය හා ජාත්‍යන්තර ආර්ථික හා වෙළඳ රෙගුලාසි උල්ලංඝනය කිරීමකි. සම්බාධක පැනවීම, අවහිර කිරීම හා මර්දනය කිරීම හරහා , විද්‍යා තාක්ෂණික නවෝත්පාදනය පිළිබඳ චීනයේ හැකියාව, අධිෂ්ඨානය සහ ස්වාධීනත්වය තවදුරටත් ශක්තිමත් කිරීම හැර, ඇමරිකාවට චීන සංවර්ධනය කිසිවිටක නවතා දැමිය නොහැකි බව චීන විදේශ අමාත්‍යාංශ ප්‍රකාශිකාව අවධාරණය කර ඇත.
More Stories
සමාගම් ක්‍රියාත්මක කිරීම හා මිළදී ගැනීම් සම්බන්ධයෙන් වෙළඳපල මූලධර්ම මත පදනම්ව ක්‍රියා කළ යුතු බව චීනය පවසයි
ජාත්‍යන්තර මූල්‍ය අරමුදල චීන ආර්ථිකය පිළිබඳ සුබවාදී අපේක්ෂා පළ කරයි
චීනයේ විවිධ ප්‍රජාතාන්ත්‍රික පක්ෂ ඇතුළු නියෝජිතයන් සමග චීන ජනපති වසන්ත උත්සවය පිළිගැනීමේ අවස්ථාවකට එක්වෙයි