T20 ලෝක කුසලානයේ අවසන් පූර්ව වටයට පිවිසි කණ්ඩායම්

මෙවර පන්දුවාර විස්සයි විස්ස ලෝක කුසලානයේ අවසන් පූර්ව වටය සඳහා සුදුසුකම් ලබන කණ්ඩායම් හතර ඊයේ දිනයේදී තහවුරු වුණා.

ඒ අනුව පළමු කාණ්ඩය නියෝජනය කරමින් එංගලන්තය හා ඔස්ට්‍රේලියාව ද දෙවනි කාණ්ඩය නියෝජනය කරමින් පාකිස්තානය හා නවසීලන්තය ද අවසන් පූර්ව වටයට සුදුසුකම් ලබාගෙන තිබෙනවා.

පළමු අවසන් පූර්ව තරඟය එංගලන්තය හා නවසීලන්තය අතරත් දෙවන අවසන් පූර්ව තරඟය පාකිස්ථානය හා ඔස්ට්‍රේලියාව අතරත් පැවැත්වීමට නියමිතයි.

මේ අතර සුපිරි 12 දෙනාගේ වටයේ පැවැත්වෙන අවසන් තරඟය වන ඉන්දියාව හා නැමීබියා කණ්ඩායම අතර තරඟය අද පැවැත්වීමට නියමිතයි.