ලෝර්ඩ් ඔෆ් ද රිංග්ස් (The Lord of the Rings) නවකතාව ඇසුරින් ඇමසෝන් සමාගම නිෂ්පාදනය කරන නව කතා මාලාවේ රංගනය සඳහා ශ්‍රී ලාංකික රංගන ශිල්පිනියක තෝරාගෙන තිබෙනවා.
ඇය නමින් තුසිතා ජයසුන්දර. මේ වන විට බ්‍රිතාන්‍යයේ වෙසෙන ඇය 1971 වසරේදී උපත ලබා තිබෙනවා.
1993 වසරේදී ඇය බ්‍රිතාන්‍යයේ රෝයල් ඇකඩමි ඔෆ් ඩ්‍රැමටික් ආර්ට්ස් ආයාතනයෙන් නාට්‍ය කලාව පිළිබඳව උපාධිය හිමි කර ගෙන තිබෙනවා.
මේ වන විට නවසීලන්තයේදී රූගත කිරීම් සිදුකෙරෙන ලෝර්ඩ් ඔෆ් ද රිංග්ස් කතා මාලාව සඳහා අලුතින් එක් වන නළු නිළියන් 20 දෙනා අතරට ඇය ද ඇතුළත් කර තිබෙනවා.
ඇමසෝන් සමාගම පවසන්නේ, තුසිතා ජයසුන්දර යනු වේදිකා නාට්‍ය ක්ෂේත්‍රයේ දැවැන්ත සලකුණක් තැබූ රංගන ශිල්පිනියක බවය. ඒ අතර The Divide, ‘The Caucasian Chalk Circle’ සහ ‘Pentecost’ ආදිය කැපී පෙනේ.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ