දෙවන චීන ජාත්‍යන්තර සැපයුම් දාම ප්‍රදර්ශනය අද (26) බෙයිජිං හිදී ආරම්භ විය. ප්‍රදර්ශනය සඳහා සමාගම් සහ ආයතන 620 ක් සහභාගී වූ අතර එය පළමු ප්‍රදර්ශනයට සාපේක්ෂව 20% ක වැඩිවීමකි. විදේශීය ප්‍රදර්ශකයන්ගේ අනුපාතය පළමු ප්‍රදර්ශනයේ 26% සිට 32% දක්වා වැඩි වී ඇත. මෙවර ප්‍රදර්ශනයට සේවා සැපයුම් දාම, ඩිජිටල් තාක්‍ෂණ, හරිත කෘෂිකාර්මික, ස්මාර්ට් මෝටර් රථ, පිරිසිදු බලශක්ති සහ අලුතින් එක් කළ උසස් නිෂ්පාදන දාමය යනාදී ප්‍රදර්ශන කලාප ඇතුළත් වෙයි.
වර්තමාන නව තාක්ෂණයන්, නව මාදිලි සහ නව ව්‍යාපාරික ආකෘතිවලින් සමන්විත ගෝලීය සැපයුම් දාමයේ බලපෑමට ප්‍රතිචාර වශයෙන්, මෙම ප්‍රදර්ශනයේදී “2024 ගෝලීය සැපයුම් දාම ප්‍රවර්ධන වාර්තාව ” නිකුත් කෙරේ. මානවරූපී රොබෝවරු, ස්මාර්ට් මෝටර් රථ, ඒකාබද්ධ පරිපථ, ප්‍රකාශ වෝල්ටීයතා බල උත්පාදනය ඇතුළු විවිධ කර්මාන්ත සිතියම්ගත කිරීම පිළිබඳ එහිදී අවධානය යොමු කෙරෙනු ඇත. මීට අමතරව, මෙම ප්‍රදර්ශනයේදී ගෝලීය සැපයුම් දාමයේ වෙනස්කම් සහ ප්‍රවණතා අර්ථකථනය කිරීම සඳහා “ගෝලීය සැපයුම් දාම ප්‍රවර්ධන දර්ශකය” සහ “ගෝලීය සැපයුම් දාම සම්බන්ධතා දර්ශකය” යන දර්ශක දෙක ද පළමු වරට නිකුත් කිරීමට නියමිත ය.
More Stories
ඇමරිකාවේ නිෂේධ බලය හේතුවෙන් ගාසා තීරයේ සටන් විරාමය ඇරඹීමේ ක්‍රියාවලිය අඩාල වූ බවට චීනයෙන් ප්‍රකාශයක්
ගෝලීය කාර්මික සැපයුම්දාමයන් හි ස්ථාවරත්වය සහතික කිරීමට චීනය සූදානම් බව චීන අගමැති කියයි
ගෝලීය සයිබර් ආරක්ෂණ දර්ශකයේ ශ්‍රී ලංකාව ඉදිරියට