චීන විදේශ අමාත්‍යංශයේ ප්‍රකාශක ගුවෝ ජ්‍යාකුන් මහතා අද(8) බෙයිජිංහි පැවති මාධ්‍ය හමුවේදී Xizang ස්වායත්තයේ Shigatse නගරයේ භූමිකම්පා ආපදා සහන කටයුතු සම්බන්ධ වත්මන් තත්ත්වය පිළිබඳව දැනුවත් කළේය.
දැනට විපතට පත් ප්‍රදේශයේ ආපදා සහන කටයුතු දැඩි හා ක්‍රමවත් ලෙස සිදු කෙරෙමින් පවතී. මධ්‍යම රජය වෙන් කළ ප්‍රථම සහන භාණ්ඩ තොගය එම ප්‍රදේශයට ප්‍රවාහනය කර ඇත. භූමිකම්පාවෙන් හානි වූ සියළු මාර්ග යළි විවෘත කර ඇත. බොහෝ උපනගරවල විදුලි සැපයුම යළි ආරම්භ වී තිබේ. සන්නිවේදන සංඥා ද යථා තත්ත්වයට පත් කර ඇත. චීන කොමියුනිස්ට් පක්ෂයේ මධ්‍යම කාරක සභාවේ ස්ථිර නායකත්වය යටතේ විපතට ලක් ජනතාවට ඉන් මිදී යළි සිය නිවෙස් ගොඩනඟා ගැනීමට හැකි වෙනු ඇතැයි විශ්වාස කරන බව ගුවෝ ජ්‍යාකුන් මහතා ප්‍රකාශ කර ඇත.
More Stories
චීන රජය ලබාදෙන දෙවන සහනාධාර තොගය මියන්මාරයට ළඟා වෙයි
ඇමරිකාවේ තීරුබදු ඉහළ නැංවීමට එරෙහිව පියවර ගෙන සිය නීත්‍යනුකූල අවශ්‍යතා දැඩි ලෙස ආරක්ෂා කරන බව චීනය පවසයි
ඇමරිකාව තායිවාන බෙදුම්වාදීන්ට විරෝධය දක්වමින් චීනය එක්සත් කිරීමට අනුබල දිය යුතු බව අවධාරණය කෙරේ